పుట:Kulashekhara-mahiipaala-charitramu.pdf/30

వికీసోర్స్ నుండి
ఈ పుట అచ్చుదిద్దబడ్డది


శ్రేణిం గూల్చెడిచోఁ జలింపవు కడుం జిత్రం బయో! నేఁడు సం
క్షీణం బౌనొకొ! లోకమంతయు మృగస్త్రీ నొక్కతెం జంపినన్.

87


చ.

సమరమునందు శత్రుబలసంఘము ముందట వేఁటలాడుచో
సమదకురంగశల్యకశశవజ్రమున్ వధియించుటల్, క్రతు
ప్రముఖసుకర్మవేళల నపారధనవ్యయబుద్ధి సల్పు, టు
త్తములగు ధారుణీశులకు ధార్మికవర్య! నిసర్గవృత్తముల్.

88


తే.

కాన మిముబోటి యుత్తమక్షత్రియులకు
మృగనిబర్హణకృత్యంబు తగవు గాఁగ
నెఱిఁగెఱింగియు ననుఁ బ్రోచి తిద్ధచరిత!
క్షితి నితోధికసౌభాగ్యసిద్ధిఁ గనుము.

89


క.

ఈ కరణి హరిణి పల్కిన
యాకస్మికమనుజభాష లాలించి ధరి
త్రీకాంతుఁ డిట్టులను న
స్తోకతరాద్భుతరసాభిజుషాత్మకుఁడై.

90


చ.

హరిణకులమ్మునం బొడమి యద్భుతమానుషభాషణమ్ము లే
వెరవున నేర్చి, తందు నృపవీరకులోచితధర్మమార్గవి
స్తరము లెఱుంగు టెట్లు, మృగజన్మ కుతూహలతం జరించు ఖే
చరసతివౌదొ! యక్కట నిజమ్ముగ నేణివొ! చెప్పు మేర్పడన్.

91


క.

అనవుడు నిట్లను నది యో
జనవర! మత్పూర్వకర్మసంగతిని బొసం
గిన లేటితనం బిది చ
క్కన విను మెఱిఁగింతు నాదుకత దెలియంగన్.

92


సీ.

కుకురదేశమున లాంగూలపురమ్మునాఁ
               గల దొక్కనగర మత్యలఘులీల
నందుండు ధర్మజ్ఞుఁడనెడి విప్రునకు నే
               నర్మిలి కూఁతర నవనినాథ!