పుట:Kulashekhara-mahiipaala-charitramu.pdf/28

ఉ.⁠

లేచి తటాలునం దుమికి లీలమెయిన్ బరువెత్తిపోవగాఁ జూచి నృపాలుఁ డామెకము జొప్పడ బిట్టడలించి తన్ను ప్రే రేచెడు దైవసంగతి హరిన్ హరిణీపథయుక్తిఁ జొన్పె మా రీచునిత్రోవ ము న్ననుసరించిన రామమహీశు చాడ్పునన్.

⁠ 79

వ.⁠

ఇవ్విధంబున నమ్మహీకాంతుండు దురంతకాంతారసీమాభ్యంతర మార్గంబున ననర్గళసంచారసముదంచితసముత్తుంగతురంగమంబు నాహరిణీలలా మంబు వెంటనంటం బరపి గెంటని తమకంబునం బ్రచండభుజాదండమండితకోదండ నిర్ముక్తకాండపరంపరన్ జంపనొల్లక దిట్టతనంబునం బట్టందలంచి తరుషండంబు నకుం గేడించియు నికుంజపుంజంబులపయి జవుకళింపం జేయుచు నేఱులపయిం బఱ పియు నతివిభ్రమకరాదభ్రచక్రభ్రమణంబుల నిట్టట్టు ద్రిప్పియుం బుడమిఱేఁడు పిఱింది దెసం దఱిమికొని రా నిరీక్షించి చెదరిన హృదయమ్ము కుదురుపఱుపనేరక యంత కంతకుం బెరుగు తత్తరమ్మున—

⁠ 80

సీ.⁠

తురగరింఖోద్దూత ధరణీపరాగమ్ము                కనుదోయిఁ గ్రమ్మినఁ గలఁగి కలఁగి పటుహయాంఘ్రిన్యాసభయదార్భటుల పేర్మి                సుడియు విభ్రాంతిచే సొరిగిపొరిగి సంక్షుబ్ధవక్రసంచారశ్రమంబున                నొడలు కంపింపంగ నొదిగియొదిగి యెడనెడ నృపుఁ డొనర్చెడు సింహరవముల                వెడవెడ నరచుచు నడలియడలి

⁠

ఆ.⁠

కొంతదూర మరిగి యంతటఁ జిడిముడి నడలు గడలుకొనఁగ నడువలేక యొక్కసరిసిచెంత నుర్వీశు డీక్షింప హరిణి తల్లడిలుచు నవని వ్రాలె.

⁠ 81

వ.⁠

అంత నమ్మహీకాంతుండు డాయంజని.

⁠ 82