పుట:Kulashekhara-mahiipaala-charitramu.pdf/27

⁠

వడఁద్రోళ్లు వెట్టిన వెడఁద పెందొడలపై                సారెసారెకు మల్ల సఱుచువారు పటుతరాయుధము లిట్టటు ద్రిప్పికొనుచు బే                ర్వాడి లక్ష్యమ్ముల వైచువారు

⁠

తే.⁠

నగుచు వనచరభటులు సాహసికవృత్తి గ్రామ్యబలముల నృపవరుఁ గడచి కలిసి శరభశార్దూలసింహకాసరము లాది యగు మృగమ్ములఁ బడవైచి రలవు మెఱసి.

⁠ 73

క.⁠

అత్తఱి నాగరవీరుల మొత్తము లారణ్యకులు నమోఘ[సిత]శరా యత్తములఁ జేసి వివిధమృ గోత్తమములు నవనిఁ గూల్చి రుగ్రార్భటులన్.

⁠ 74

తే.⁠

జీవురులనంటి వలలకుఁ జేర్చి బోను లందుఁ జొఱఁద్రోలి యురులచే డిందుపఱచి పొసఁగఁబట్టిరి, కొన్నింటిఁ బొడవడంచి రెలమి ఖగముల మృగముల నలవు మెఱసి.

⁠ 75

భుజంగప్రయాతం.⁠

జగద్భీకరాత్మీయసైన్యంబు లిట్లా మృగస్తోమముం ద్రుంచి మెప్పించువేళన్ మొగమ్మందు నుత్సాహమున్ సొంపు దోడై తగన్ ఘాటమున్ గాలఁ దాఁటించె లీలన్.

⁠ 76

క.⁠

ఘోటకము దుముకఁజేయుచుఁ బాటవమున విల్లు బూని పటుమేఘనిరా ఘాటధ్వని పురణింపఁగ జ్యాటంకృతు లెసఁగఁజేసె జనవరుఁ డెలమిన్.

⁠ 77

క.⁠

ఈరీతి నిజగుణధ్వని క్రూరత నందంద వెడలి రోదసి నిండన్ జేరువ నొకయీరమ్మున గూరికియున్నట్టి లేడి గుండియ లవియన్.

⁠ 78