పుట:Kulashekhara-mahiipaala-charitramu.pdf/24

తే.⁠

నవ్విధంబున నిఖిలదేశాధినాథు లనవరత మాత్మహితకారులై చరింప నల దృఢవ్రతభూపాలుఁ డతులకీర్తి భూషితదిగంతరాళుఁడై పొలుపు గాంచె.

⁠ 61

సీ.⁠

బ్రాహ్మణుల్ క్రతుకర్మ పరిణతుల్ గాంచిరి                తగువేళ వర్షముల్ దనియఁ గుఱిసె ధనధాన్యరాసులఁ బెనుపొందిరి జనంబు                లవిరళగతుల ధేనువులు పితికె బహుసస్యసంతతుల్ ఫలభొజనము లయ్యె                కలకాల మొగిఁ బచ్చికసవు గలిగె వనములు సుమవైభవంబులఁ దనరారె                చోరప్రసంగముల్ దూరమయ్యె

⁠

తే.⁠

సకలవంశప్రసూతప్రజాసమృద్ధిఁ బిల్ల చెఱ కీనినటుల శోభిల్లె ధరణి యమ్మహీభర్త యయ్యైవిధమ్ము లెఱిఁగి మనుజకోటుల శాసించి మనుచు కతన.

⁠ 62

వ.⁠

ఇవ్విధమ్మున నవ్వసుంధరావల్లభుండు కనకకలధౌత కరితురగమణిగణ ప్రముఖవస్తుప్రదానసమయసముద్ధతసలిలధారాపరిగ్రహసమర్దార్ధిజనానందప్రవర్ధ మానకీర్తిచంద్రకాధవళీకృతదశదిశాంతరాళుండును, నిరంతరంస్వవినయభక్తి పూర్వకవందనానందితమహాభాగవతకటాక్షవీక్షణాసాదితభాగధేయవైభవోజ్జ్వ లుండును, ప్రచండదోర్దండమండితకోదండపాండిత్యవశంగతరాజన్యపర్జన్యప్రవర్షి తావిరళద్రవిణధారాసంపాతసంపూరితభాండాగారుండునునై నిఖిలప్రజాభ్యర్హితదై నందినమహాసామ్రాజ్యవైభవసమృద్ధిన్ బ్రసిద్ధి వహించి పెద్దకాలమ్ము రాజ్యమ్ము చేసి యొక్కనాడు—

⁠ 63

సీ.⁠

విమలధర్మాధర్మవిదులైన విద్వాంసు                లొకవంక సద్దోష్ఠి నోలలార్ప మహనీయశౌర్యసామంతభూకాంతులు                కోర్కెచే నొకచాయఁ గొలువుసేయ

⁠