పుట:Kulashekhara-mahiipaala-charitramu.pdf/22

⁠

గురుభావ మందియు సుకరాజమిత్రుండు                రాజప్రియాంగనారక్తుఁ డనుచు కవి యయ్యు భార్గవుX డవిరళకలుషదో                షాచరసముదయాచార్యుఁ డనుచుఁ

⁠

తే.⁠

దారు శుచితా, శుభావాసతా, జితాక్ష తా, ఘనాశ్రయతా, ది సద్ధర్మయుక్తి నతిశయిల్లుచు సత్యవ్రతాఢ్యు లగుచు వేడ్క నొప్పుదు రవ్వీఁటి విప్రవరులు.

⁠ 46

సీ.⁠

భుజమూలములఁ జతుర్భుజసాధనము లైన                ఘనశంఖచక్రలాంఛనము లమర రసనాంచలముల నారాయణద్వయమంత్ర                లలితాక్షరమ్ములు చెలిమిఁ దెలుప మనముల నుపనిషద్వనధిప్రమథనని                ష్కృష్టతత్త్వామృతసేవ దనర సల్లాపముల విష్ణుచర్యాతదీయపూ                జావిశేషప్రపంచన మెసంగ

⁠

తే.⁠

మహితసౌరభనళినాక్షమాలికాస్ఫు రద్గళమ్ముల నూర్ధ్వపుండ్రప్రదీప్త ఫాలముల సొంపుదాల్తు రప్పట్టనమునఁ బరమవైదికులగు మహాభాగవతులు.

⁠ 47

చ.⁠

దళమగు వాసుదేవపరతత్త్వనిబంధనవాదఘోషణం బుల హరిపూజనక్రమనిబోధనమంత్రరవంబులన్ నవో త్పలరుచు లుల్లసిల్ల నునుపాఱెడు తిన్నియలన్ దనర్చి ని ర్మలగతి నయ్యగార్ల తిరుమాళిగ లప్పురి నొప్పు నెంతయున్.

⁠ 48

ఉ.⁠

కంతులు రూపసంపదల గాఢపరాక్రమలీలలన్ శచీ కాంతు లఖండకీర్తికళికాపరిపూర్ణత, పూర్ణిమానిశా కాంతులు సాంద్రసద్గుణనికాయనిశాంతులు సాధురక్షణ క్షాంతులు క్షత్రియోత్తములు కాపురముండుదు రప్పురమ్మునన్.

⁠ 49