పుట:Kulashekhara-mahiipaala-charitramu.pdf/20

వికీసోర్స్ నుండి
ఈ పుట అచ్చుదిద్దబడ్డది

కులశేఖర మహీపాల చరిత్ర

7


ఉ.

శ్రీకరమై సుధీజనవశీకరమై బహుదివ్యరత్నర
త్నాకరమై విదేహమగధాంధ్రకళింగశకాంగముఖ్య
శాకృతులన్ దదీయవిభవాతిశయమ్ముల మించి సంతత
ప్రాకటభాగ్యసౌఖ్యములఁ బ్రస్తుతి కెక్కిన కేరళమ్మునన్.

38

పురవర్ణనము

తే.

సంపదలకెల్లఁ దామరతంపమగుచు
ధారుణీదేవి యాననదర్పణమ్ము
మాడ్కి సురనరనగరోత్తమంబులందు
మేటియన నొప్పు కుక్కుటకూటపురము.

39


సీ.

ఉగ్రసేనారూఢి నుల్లసిల్లెడిగాని
               మధురసంతతసౌఖ్యమహిత గాదు
గురుకృపాధిగమభాసురము గాని గజాఖ్య
               నగరమ్ము దుశ్శాసనమ్ము గాదు
హంససంతతి విలాసాస్పదంబగు గాని
               సాకేత మసగరాస్పదముగాదు
బాణప్రతాపసంభాసమానము గాని
               శోణం బదోషాటసులభి గాదు


తే.

ధరణి నటువంటి పురము లీకరణి నొకటఁ
గొఱఁతవడుగాని కుక్కుటకూటనగర
మలరు నారోగ్యధర్మశిక్షానుపేత
కపటచరణసుధీపుణ్యకలన వలన.

40


ఉ.

మేటి కవాటపాళికల మీఁద నమర్చిన నూత్నరత్నపుం
దేఁటమెఱుంగు లంగముల నివ్వటిలంగఁ బురప్రఘాణపా
ర్శ్వాటనవేళలందు శబలాంబరధారణ లీల లేర్పడన్
నీటు దలిర్ప నొప్పుదురు నిర్ధనులున్ ధను లొక్క కైవడిన్.

41