పుట:Kulashekhara-mahiipaala-charitramu.pdf/18

వికీసోర్స్ నుండి
ఈ పుట అచ్చుదిద్దబడ్డది

కుల శేఖర మహీపాల చరిత్ర

5


వ.

ఇట్టి యేను గృతిపతియగు జానకీపతిం గుఱించి షష్ఠ్యంతమ్ములు రచించెద

23


క.

పురహరగిరి సురవరకరి
దరశరహరినిభయశస్సుధాలహరి కి దు
ష్కర పరసైన్యోద్దురసం
గరరంగ విశృంఖల ప్రకటశౌర్యునకున్.

24


క.

అకుటిల సంవిన్నిజసే
వకజన భయదోగ్రదైత్యవపురేథః పా
వక కీలాయితశరునకు
ప్రకటయశః పిహితభూనభః కుహరునకున్.

25


క.

ఉద్యత్ప్రద్యోతద్యో
తద్యోతిత నిజభుజప్రతాపద్యుతికిన్
హృద్యానవద్య పద్య
స్వాద్యరసోద్యత్ప్రబంధ సమ్యక్ఛృతికిన్.

26


క.

దుర్గమనిలయనిశాచర
వర్గాధిప భయదశస్త్ర వరధోరణికిన్
దోర్గర్వనృపతిదుస్సహ
భర్గధనుర్భంగలబ్ధ భామామణికిన్.

27


క.

శోభితకల్యాణగుణ
శ్రీభరితాత్మునకు రత్నచిత్రవిభూషా
భాభూషితాంగునకు రవి
భూభూపాలునకు రామభూపాలునకున్.

28


వ.

అంకితంబుగా నాయొనర్పంబూనిన కులశేఖరచరిత్రంబునకుఁ గథాక్రమం
ఔట్టిదనిన—

29


చ.

శమదమ సత్యశీల గుణసంపద సొంపువహింప వైష్ణవో
త్తములు ప్రభాతవేళ నుచితజ్ఞత మేల్కని తామ్రపర్ణికా
విమలజలావగాహనము వేడ్క నొనర్చి సితోర్ధ్వపుండ్రదీ
ప్తముఖసరోజులై జపతపఃక్రియలన్ నివసించి యున్నెడన్.

30