ఈ పుట ఆమోదించబడ్డది
గలువపొడి గందవొడి దొలక సుడి రేగుచును
మెలగు నెలపయ్యరలు నలసత జరింపం
దలపున రసార్ద్రమగు వలపు లిగిరింప, దిన
కలకల మడంచి నిశ గొలిపె ప్రమదంబున్‌. 117
స్నానమొనరించి, వెన్నెలచలువ బయల
బిడ్డలు న్నీవు నిల్లాలు బ్రీతి గుడిచి
పొడుపుకతలు, సమస్యలు, పూర్వచరిత
లంత వచియింపు వారలు సంతసింప. 118
శ్రమ, విషాదమ్ము, లాసలు, సర్వకాల
హృదయభేదక చింతలు నిదుర యనెడు
శాంతవారిధి లీనమై సమసిపోవ
విశ్రమింపుము, సైరికా, వేగువఱుకు. 119
-<•>-
గోనుగుంట్ల ముద్రణాలయము, 15,బ్రాడ్వే, మదరాస్
