51
నిత్యాభిషేకమ్ము నెమ్మిఁగాంచుటఁ జేసి
యల జలస్థిత లింగమనఁగవచ్చు
స్త్రీకరగ్రహణంబుఁ జెలిమినందుటఁ జేసి
యల పురుషోత్తముఁడనఁగ వచ్చు
ననుచునెట్లెట్లో పొగడఁగా నయ్యెఁగాదె
యదియు సింగారపుంగట్ట యనుటఁ జేసి
కాక నద్దాని జీఁపురుఁగట్ట యనిన
నింతగా వర్ణనముసేయ నెవఁడుదలఁచు?
20. సమస్య: మాయాతి, నాయాతి, నయాతి, యాతి, అనుపదములు వరుసగా నాల్గు చరణములలో నొక్కొక్కటిగా నిమిడ్చి కృష్ణపరముగా
మాయాతిస్థిరవృత్తిఁ గృష్ణుఁడన దుర్మానారి మీనవ్రజా
నాయాతి స్ఫుటశక్తిఁజూపి తనరెన్ నారాయణుండాతఁడో
యాయుష్మంతుఁడ! తానయాతిమతినయ్యాద్యుం బరుంగొల్చినన్
శ్రేయంబబ్బు జయాతికీర్తి గరిమం జెందు న్నరుండెయ్యెడన్.
21. మత్తేభము
ఇలనెతై తగు కొండచందమున నెంతేరూపమింపందెడిన్
బలువౌ తుండము వాసుకిం దెగడి సౌభాగ్యంబు వాటించెడిన్
జెలఁగుం జేటలరీతి శ్రోత్రము లెదం జింతించియద్దానినే
పలుకంగాఁదగు మత్తకుంజరమునా వాక్యంబు లింకేటికిన్
22. విద్యయే భూషణము
విద్య నరేంద్రపూజితము విద్య సుధీంద్రహితప్రచారమా
విద్య యశఃప్రదంబు మఱివిద్య ధనప్రద మల్ల విద్యయే