ఆశుగ జవంబుఁబోలు మీయాశుధార
అమృతధారకుఁబురుడు మీయాశుధార
ఆర్యహృదయంగమంబు మీయాశుధార
శుభగమతులార! సోదర సుకవులార!
బ్రహ్మశ్రీ కర్లపాలెపు సూర్యనారాయణరావుగారు
శ్రీకొప్పరపు కవిశ్రేష్ఠులు మనపురం
బందున నిన్న నేఁడందముగను
నాశుకవిత్వంబు నవధానమహిమంబు
సలిపినవార లత్యలఘుమహిమ
వారివాగ్దోరణి వర్ణింపవేయినో
ళ్ళభుజంగ రాయండు లఘువుననియెఁ
గీర్తివర్ధనుఁడైన కృష్ణాభిధానుండు
సంతోషవారిధి నెంతొమునిఁగెఁ
గానవీరిని వర్ణింపఁగాఁదరంబె
నాదుబోంట్లకునైనను నామనంబు
నందుఁగల సంతసంబున నిందునిలిచి
నాను వేఱేమిచెప్పఁగా లేను నిజము.
గ్రుక్కవిడువక నొక్కటనుక్కు మిగిలి
గ్రక్కు గ్రక్కునఁబల్కెడు పెక్కులైన
యక్కరపుముక్కలప్పక్కి జిక్కి నెక్కు
చక్కనయ్యకుఁజెప్పఁగ మిక్కుటంబె
తురంగగతివృత్తము
అనయము మనమున ముదమున నగజాత్మజన్ నెలకొల్పుచున్
వినయమునను దమవినుతులను నవీనము నొనర్చుచున్
