ఈ పుట ఆమోదించబడ్డది
198
ఆశుకవితలు
(వివిధ ప్రసంగావళి)
శ్రీమద్రౌద్రిసంవత్స రాశ్వయుజమాస నవరాత్ర వ్రతోత్సవములలో
శ్రీశ్రీరాజావారి యాహ్వనముచే వచ్చినప్పుడు చెప్పినవి -
శ్రీ పంగిడిగూడెములోని ప్రథమ సమావేశము
ఆశీర్వచనము
స్వస్త్యస్తు, విశ్వసంస్తవనీయ మహనీయ
సింహహయార్చా సుశీల! నీకు
విజయోస్తు, వీరసాధ్వీత్వాఢ్య విజయ రా
ఘవమాసతీ పుణ్యగణ్య! నీకు
పుత్త్రలాభోతస్తు, శ్రీ బొమ్మదేవరనాగ
భూపాగ్ర పుత్రాగ్ర పుత్ర! నీకు
శ్రీరస్తు, గోధరిత్రీ దేవదేవ స
పర్యా ప్రముదితార్యవర్య! నీకు
భోగ, భాగ్యాయురారోగ్య పూర్ణకీర్తి
నిస్తులసురాజ్య సుఖవృద్ధిరస్తు నీకు
సుకవి హృదయాంబుజ దినేంద్ర! సుగుణసాంద్ర!
ఘనవిభవ నిర్జరేంద్ర! నాగన నరేంద్ర!
రంగదుత్తుంగ పిశంగ జటానద్ద
మణిమకుటోత్కట ఘృణులవాఁడు
భూదళనోద్యమ భూరిసీరాగ్ర సం
శయదాయి లంబనాసంబువాఁడు
