ఈ పుట అచ్చుదిద్దబడ్డది
193
98. విఘ్నేశ్వర స్వామి
శ్రీవిజయప్రమోదములు, సింధుర సైంధవగోవృషాదీశో
భావిభవోన్నతుల్ పొసఁగఁబౌరసుహృత్పరివారవృద్ధులున్
భావుకభంగిఁజెందఁ గరివక్త్రుఁడు భక్తహితుండు రాఘవాం
బావిభునాగనప్రభు నపారకృపారసమొప్పఁ బ్రోవుతన్
99. వేణుగోపాలస్వామి - మాలినీవృత్తము
విపులవిజయలక్ష్ముల్ వృద్ధిగా నాగభూపు
న్నృపకుల మణిదీపున్బ్రీతి రక్షించుమెప్డున్
సుపథహృదయవర్తీ! సూరిసంస్తుత్యకీర్తీ!
విపదగ పవిభావా! వేణుగోపాలదేవా!
100. సూర్యనారాయణస్వామి
నీయంఘ్రుల్, వినతాపదుద్దృత తమోనిర్భేదమున్సల్పి ల
క్ష్మీయుక్తంబులుగా హృదబ్జముల రంజిం చున్సతంబౌట నా
మ్నాయాకారుని నిన్నుఁగొల్చెదము సంరక్షింపవే సత్కృపన్
ఛాయానాయక! భక్తబాంధవ! గ్రహేశా! సూర్యనారాయణా!
సంపూర్ణ శతావధానము సమాప్తము