పుట:Kopparapu-soodara-kavula-kavitvamu.pdf/223

వికీసోర్స్ నుండి
ఈ పుట అచ్చుదిద్దబడ్డది
182

57. తొమ్మిది పదయేనుగా నయ్యెననుటకు

నవరాత్రవ్రతసూత్సవ
మవిరతదీక్షలనుబెంచి యనఘాత్ముఁడు నా
గవిభుండొనరించుట, రా
ఘవ! తొమ్మిదియే, పదేనుఁగా సాఁగెఁజుమీ

58. శిష్టులను పరాభవింపఁబూనినవాఁడేమగును?

పరులన్ శిష్టులనిర్నిమిత్తముగఁదాభంగింపఁగాఁబూను ము
ష్కరుఁడెందేనియు దైవవంచితుఁడునై కష్టంబులంజెందు ధ
ర్మరతస్వాంతులఁబాండుపుత్రుల నలంపంబోయికౌరవ్యుఁ డె
ల్లరునవ్వన్ మును జిత్రసేను వలనన్ లావేది కీడందఁడే?

59. వేఁడిపాలు త్రావిన పిల్లి

వేఁడిపాలు త్రావి పెదవి కాలిన పిల్లి
తక్రమిడిన నమ్మి త్రావఁబూన
దొకట భంగ మొదవ, నొగిని దద్రూపకా
ర్యములు సంశయాస్పదములుగావె?

60. దసరాలో మహోత్సవములఁదిలకింప నితర పట్టణములనుండి వచ్చిన రాజబంధువులు

చందు వేంకటకృష్ణ సత్సమాఖ్యా సము
          ద్భాసి సికిందరాబాదు నుండి
చంద్వన్వవాయభూషణమూర్తి యాంజనే
          యఘనుండు బందరునందునుండి
బూరుగడ్డన్వయోదార నారాయణ
          రావునాయుఁడు కంకటావనుండి