18. మత్స్యావతారము
సోమకుఁడను పలలాశి మ
ణీమంజూషోపమాన నిగమచయము, దు
ష్కాముఁడయి వార్దింద్రోయ, మ
హామత్స్యంబగుచు విష్ణుఁ డాఖలుఁ ద్రుంచెన్
19. రాజ్ఞి గారిని గుఱించి'
ఉభయ వంశముల కీర్త్యున్నతుల్ వెలయింప
జననంబుఁగాంచిన సర్వవంద్య
మేనితోడనుజాయ మెలఁగు చందంబునఁ
బతి ననువర్తించి పరఁగుసాధ్వి
రేనికిమంత్రియట్లై, నాథునకు సర్వ
విధుల నుత్సాహంబుఁ బెనుచు సుగుణ
గానంబునందు సుజ్ఞానంబునందు న
త్యున్నతస్తుతులందు నున్నతాత్మ
పుణ్యముం గీర్తి వాంఛించు పూతహృదయ
నాగనృపవీర పత్నియౌ, నంద్యచరిత
విజయరాఘవమాంబ, దేవీకటాక్ష
సిద్ధి నభిమతశుభవృద్ధిఁ జెందుఁగాత!
20. సమస్య : ఫలముల గొమ్ము, పోవునిఁకఁ బైత్యము వైద్యములేల విప్రుఁడా
వెలఁగల లోఁదలంపక వివేక విహీనత దేవదేవు కో
వెలఁగల వస్తులమ్ముకొని వేలగు మందులు గొంటివన్నియున్
వెలఁగలఁ బోలఁజాలవరవీసము గావున మన్మథాగభూ
ఫలములఁగొమ్ము, పోవునిఁకఁ బైత్యము వైద్యము లేలవిప్రుఁడా!