పుట:Kopparapu-soodara-kavula-kavitvamu.pdf/184

వికీసోర్స్ నుండి
ఈ పుట అచ్చుదిద్దబడ్డది

143

సుకృతమణి నాగభూజాని సుకవి మండ
లంబు గణియింపఁ గొనుత శ్రీ లక్ష్మి దండ

8. భారత, భాగవత, రామాయణ గ్రంథములు

విజయ విక్రాంతి విదితముల్, విశ్వరిపు వ
రోగ్ర సేనోద్భవస్మయ నిగ్రహములు
పుణ్యజనవర్ధన క్రియాస్ఫూర్జితములు
పాండు, వసుదేవ, దశరథ భవుల కృతులు

9. విష్ణువు క్షీరసముద్రమును మాని శ్రీ రాజావారి హృదయమున నివసించినట్లు

సారప్రాభవ! నాగభూప! సుగుణాంచ ద్రత్నరాశీ! నయ
శ్రీరమ్యామలభక్తి శాంతిరసవీచీ ప్రోల్లసత్త్వన్మనో
వారాశిన్ సిరితోవసించి హరి, తా వర్ణించునింకం బయో
వారాశిన్ బహుభంగసంగతముగా భావించియత్యంతమున్

10. రాజావారి వేఁట

బారుటీటెలఁబట్టి దూరఁగా రానట్టి
          పొదలెల్లఁదూఱి బెబ్బులులఁ బొడిచి
చిఱుతకత్తులఁ బట్టి చెదరనీయక చుట్టి
          చిఱుతల గుండియల్ చీల్చికూల్చి
కాండ్రంచుఁ బైకొని గోండ్రించు పెను వరా
          హమ్ముల నహమించి క్రమ్మిపట్టి
చెంగు చెంగునదూఁకు జంగుబిల్లుల లేళ్లఁ
          గుర్కురంబులఁబంచి కూలఁజేసి

అశ్వ మాతంగ సుభట మహాంగ వాద్య
చండ రవములు, వనిఁ గలగుండు వెట్ట