141
1. జగదీశ్వరీ స్తవము
నీలాంబుజారామ కేళీమరాళమై
సామేన శంకర స్వామి వెలయఁ
బవలు రాతిరి సేయు భద్రతాటంకముల్
దరహాస రుచి ధగ ధగ వెలుంగఁ
ద్రయ్యంతవేణి పద్మజురాణి, హరి రాణి
చెలికారమునఁ గెలంకుల మెలంగఁ
గెంగేలి రాచిల్క క్రీడార్ధమెసరేఁగి
ప్రణవాక్షరార్ధ ముపన్యసింపఁ
గమ్రముక్తాఫలామల గగనవాహి
నీ పయఃకణపంక్తి వందే యటంచు
విఘ్నపతి పూజన మొనర్ప విశ్వభరణ
దీక్ష నెలకొన్న దేవి కిదే నమస్సు
2. ప్రకృత ప్రభువును దేవి రక్షించునట్లు
నవరాత్రవ్రతదీక్ష దక్షతనయం ద్రైలోక్యరక్షాచణన్
రవి చంద్రాగ్నివిలోచనన్ శ్రుతిపథబ్రాజన్మహామంత్రరూ
ప, విరాజత్కరుణాంతరంగ నిను, సంభావించు నాగావనీ
ధవు నంచత్కరుణాదృగంచలములందన్పంగదే, శాంకరీ!
3. సమస్య : నవరాత్రవ్రతదీక్ష చెల్లె నిట నానందం బమందంబుగన్‌
కవిరాజుల్, బుధరాజు, లుత్తమధరా
కాంతుల్, హితుల్ బాంధవుల్
సవనంబంచు గణింప, నిర్మల నయ
స్వాంతంబునన్, దేవి, రా
