పుట:Kopparapu-soodara-kavula-kavitvamu.pdf/136

వికీసోర్స్ నుండి
ఈ పుట అచ్చుదిద్దబడ్డది

95

ఘనుల ప్రబంధ శైలిని సుఖంబుగ నీకవులాక్రమించి రం
చును వచియించుటల్ సహజసూక్తియె దబ్బరకాదు కాదిలన్

ప్రస్తుతంబువిడచి పల్కినపల్కుల
సైచవలయు భవ్యశతవధాన
చాతురీమహత్త్వ సంస్తవ మొనరింతు
మాలకింపుఁడీ నయాఢ్యులార!

ఉత్పలమాలిక

కందువమాటలున్ జిగి నిగారపుచేఁతలు జిగునీళ్లు పెం
పుం దనరార నాయకుని ముందనువొందు నవారవిందనే
త్రం దలపించుఁగైత తనుదానె వరించుటఁజేసి సద్యశం
బందిచెలంగి నేఁటిసభయందుఁ గవీంద్రులు భూపురందరుల్
డెందములందు మోదమువడిన్ జివురింపఁగ మెచ్చమమ్ముబోం
ట్లం దతమోదవాక్యముల నాణెముగాఁగడుఁ దేల్చి కోరిన
ట్లెందఱకెన్ని పద్యములొ యెట్టులనుండిన మేలుమేల్ రసం
బందునఁబుట్టునట్లె వెఱఁగందఁగఁదెల్పె నిఁకెట్టులెందునేన్
గందుమె విందుమే సుకవి కాండములో నిటువంటివానిసం
క్రందన రత్న రాజులును రాజమణుల్ మగఱాలుముత్తెముల్
వందలు వేలులక్షలయి వర్షముగాఁ బడినట్లు పద్యకో
టిం దగులీలఁ బైవిసరి ఠీవవధాన మొనర్చెఁ దమ్ముఁడా
నందముతోడఁ బజ్జఁదగ, నవ్వులకేనొరుసాయమంద కే
మందు మమందధీబలవిహారుఁడు ధీరుఁడు సుబ్బరాయఁడే
మిందులకొక్క మాలిక మెయిన్ రచియించితిమబ్బురంపుఁగై
తం దిలకించినట్టి గుణధాములకిద్ది హితంబెకావునన్