ఈ పుట అచ్చుదిద్దబడ్డది
69
కీర్తింపందగు సచ్చరిత్రముల మేఖేల్కొల్పువారల్ ధరా
భర్తల్ పల్వురుగల్గియుండినను నిర్వాణోన్నతిన్ గూర్పఁగా
ధూర్తుల్ నవ్వకయుండఁబ్రోవఁగనునీతో సాటివాఁడెవ్వఁడో
యార్తత్రాణపరాయణా! వరద! సత్యాకార! మల్లీశ్వరా!
వింటిన్ భక్తజనావన వ్రతమునన్ వెల్గొందు నీవైఖరిన్
గంటిన్ నీదగు దివ్యవిగ్రహము దృక్పర్వంబు సంధింపఁగాఁ
గొంటిన్ నీదుపదాంబుజద్వయముహృత్కోశంబునన్ బ్రోవవే
యంటిన్ నీకిదితప్పదంటి భ్రమరాంబాధీశ! మల్లీశ్వరా!
సిరియొకకొంతయుంట నతిచిత్రముగాఁబొరుగూళ్ళనుండియిం
దఱ బిలిపించి విందిడి వధాన మొనర్పఁగఁజేసి మాకు సో
దరులకు వస్త్రభూషల ముదంబిడి నూటపదాఱులిచ్చె నీ
తిరుపతిరాయఁడాధనపతింబలెఁ బ్రోవవే మల్లికేశ్వరా!
