ఈ పుట ఆమోదించబడ్డది
ఆశీర్వాదము.
లోకోజ్జీవన కరమయి.
ప్రాకట రసభావ శిల్ప భరితంబయి నూ
త్నా కారంబుల వెలసెడు
నీకవిత చెలంగుఁగాత నిత్యము సుకవీ!
శారదచంద్రికా స్ఫురిత శర్వరులందు నదీతరంగ ఝం
కార రవానుకారియయి కమ్ర రసాభ్యుచితప్రచారియై
సారస నిర్యదంబు ఘనసార సుశీతలతం జెలంగి సొం
పారునుగాత! నీకవిత యాంధ్రకవీ, రసికోపభోగ్యమై.
ఱాలఁ గరంది మ్రోడుల సరాళకిసాల చయంబులొత్తి శో
భాలలితార్ద్రభావ రసభంగులకుం దలిదండ్రులైన వా
గ్జాలముగూర్చి గీతముల సత్కవిశేఖర, పాడిపాడి యాం
ధ్రాలి చిరప్రసుప్తమగు నాత్మను నిద్దురలేపు మియ్యెడన్ .
___________
