పుట:Kavijanaashrayamu-Chandashastramu.pdf/90

వికీసోర్స్ నుండి
ఈ పుట అచ్చుదిద్దబడ్డది

వృత్తాధికారము.

37

ఇంద్రవజ్రావృత్తము. -
                      ఇత్తాజగాసంగతి నింద్రవజ్రా
                      వృత్తం బగున్ సన్నుతవృత్త రేచా ! 42

ఉపేంద్రవజ్రావృత్తము. -
                      సపద్మపద్మా[1] ! జతజల్ గగం బీ
                      యుపేంద్రవజ్రాఖ్యము నొప్పుఁ జెప్పన్. 43

రథోద్ధతవృత్తము. -
                      నందితప్రియ ! రనంబుపై రవం
                      బొంది వచ్చిన రథోద్ధతం బగున్. 44

చంద్రికావృత్తము. -
                      ససరవము వినమ్రవిద్విషా!
                      జినమతహిత ! చెప్పుఁ జంద్రికన్. 45

స్వాగతవృత్తము. -
                     స్వాగతం బగు లసద్గుణలక్ష్మీ
                     భాగభోగి! రనభల్ గగయుక్తిన్. 46

కాంతావృత్తము. -
                     సారప్రభవాద్య! తజాపము లా
                     కారస్మర ! పొందినఁ గాఁత యగున్. 47

శ్యేనీవృత్తము. -
                    శ్యేనికిన్ రజంబు చెందఁగా రవం
                    బానతారి! పొందు నంద మొందఁగాన్. 48

  1. ద-జపాఢ్య రేచా.