పుట:Kavijanaashrayamu-Chandashastramu.pdf/78

వికీసోర్స్ నుండి
ఈ పుట అచ్చుదిద్దబడ్డది

సంజ్ఞాధికారము

25

   ప్రాసం బుచితాక్షరవి
   న్యాసంబుగఁ గృతుల రేచ నయ[1]తత్త్వనిధీ. 82

వ. మఱి త్రిప్రాసం బన మూఁ డక్షరములు ప్రాసం బిడి చెప్పునది. 83

క. దానమున సత్యమున నభి
   మానమునం బోల్ప నీసమానము ధరణిం
   గాన మనం ద్రిప్రాసము
   [2]దాన మనోహర మగును బుధస్తుతచరితా! 84

వ. మఱి యనుప్రాసం బన్నది ప్రాసాక్షరంబు పెక్కెడల నిడి చెప్పునది. 85

క. విత్రస్తాఘపవిత్రచ
   [3]రిత్ర జితత్రిదశవర ధరిత్రీసుతస
   న్మిత్రాంబుజమిత్రగుణా
   మత్ర యనుప్రాస మిదియ మల్లియరేచా ! 86

వ. మఱి యంత్యప్రాసం బన్నది మొదటిపాదము కడపటి యక్షరంబు నాలుగుపాదంబుల కడపట నిడి చెప్పునది. 87

క. జననుత భీమతనూజా !
   సునయార్పితవిభవ[4]తేజ సుభగమనోజా !

  1. ద - నయవినయ
  2. దానమనోహారమగు.
  3. ద-రిత్రత్రిదశవరపర ధరిత్రీసుతస.
  4. ద - విభవ రేచ.