ఈ పుట అచ్చుదిద్దబడ్డది
90
కవిజనాశ్రయము.
అతిజగతీఛందమునందు :--
ప్రీతివృత్తము.
నగణత్రయమున్ జగసంయుతంబుగా
నెగడు న్నిధివిశ్రమనీతిఁ బ్రీతికిన్. 11
సుమంగలీవృత్తము.
సజసంబుతో సగము సంగతితో సా
మజవిశ్రమంబున సుమంగలి యయ్యెన్. 12
క్షమావృత్తము.
ననతతగములన్ నవ్యభూభృద్యతిన్
వినుతమయి క్షమావృత్త మొప్పు న్మహిన్. 13
శక్వరీఛందమునందు :-
జలంధరవృత్తము.
వ్రాలిభకారమునున్ భభజవంబులతో
లాలితకీర్తి! దిశాయతి జలంధర యౌ. 14
లోలావృత్తము.
భూతేశా! మసమంబుల్ పొందంగా భగగంబుల్
స్వాతంత్ర్యక్షితిభృ ద్విశ్రామం బొందును లోలన్. 15
కమలవిలసితవృత్తము.
కమలవిలసితము కలయతితోడన్
గ్రమమున ననననగగములు గూడన్. 16
