ఈ పుట అచ్చుదిద్దబడ్డది
శ్రీరస్తు.
కవిజనాశ్రయము.
షట్ప్రత్యయాధికారము.
క. శ్రీనారీప్రియకరుఁ డఖి
లానందకరుడు[1] కవిజనాశ్రయుఁడు ధరి
త్రీనుతుఁడు సమస్తకళా
నూనుఁడు షట్ప్రత్యయంబు లొగి నెఱిఁగించున్.[2] 1
క. క్రమమునఁ బ్రస్తారము న
ష్టము నుర్దిష్టమును వృత్తసంఖ్య యనంగా
నమరు లగక్రియ యన న
ధ్వము నన షట్ప్రత్యయములు తనరున్ గృతులన్. 2
క. ఇడి గురువుక్రింద లఘు వ
క్కడ సదృశము సేసి పిఱుఁదఁ గదిసినగురువం
దిడఁ బస్తారము; రెం డిడి
మడుప నగును వృత్తసంఖ్య మల్లియరేచా ! 3
