పుట:Kavijanaashrayamu-Chandashastramu.pdf/107

వికీసోర్స్ నుండి
ఈ పుట అచ్చుదిద్దబడ్డది

54

కవిజనాశ్రయము.

[1]దండకలక్షణము. -
     అమరఁగ ననహంబులం[2]దాదిగా నొండె, కాదేని నాదిన్
     దకారంబుగా నొండె, లోనన్ దకారంబు లిమ్మై గకారావ
     సానంబుగాఁ జెప్పినన్, దండకం బండ్రు దీనిం గవీంద్రుల్ జగ
     ద్గీతకీర్తీ ! పురారాతిమూర్తీ ! సదాచారవర్తీ ! సముద్యద్గుణార్థీ!
     వణిగ్వంశచూడామణీ! బంధుచింతామణీ ! శిష్టరక్షామణీ!
     సుందరీవశ్యవిద్యామణీ! రేచనా! కావ్యసంసూచనా[3]! 131

___________

- అర్ధసమవృత్తములు. -



[4]క. కమలాధీశుఁడు రేచన
     కమలాసనక మలనాభకమలాప్రియవృ
     త్తముల మహత్త్వము తేజ
     స్సమేతుఁ డొనరించు నర్ధసమవృత్తములన్. 132

[5]క. ఆదిద్వితీయవిలస
     త్పాదంబుల వేఱు వేఱుభంగుల నిడ న
     ప్పాదములఁ బోలఁ దక్కిన
     పాదము లర్ధసమవృత్తపద్ధతి యొప్పున్ . 133

  1. ప-లో లేదు.
  2. ప-అమరంగ సనహంబులన్.
  3. డ-త్యాగవై రోచనా. క-చ- లలో దండకాంతమునఁ బ్రకరణాంత గద్య మున్నది. డ-లో "ఇది స్వస్థానపర స్థానవృత్తాధికారము” అని యున్నది.
  4. క-ద-లలో మాత్ర మున్నది.
  5. క-ప-ద-లలో నున్నది.