పుట:Kankanamu020631mbp.pdf/28

వికీసోర్స్ నుండి
ఈ పుట ఆమోదించబడ్డది

ఉ. భూతలమందుఁబోలె సురభూములయందును భూతకోటికు
   జ్జాతము గాక తప్ప దవసానదశావసరంబునన్ మహా
   వాతము; నాఁడు బిట్టడలుపాటు ఘటింపఁగఁజేసె నమ్మహా
   వాతవిజృంభణంబు భువి వారికినిన్ దివివారికిం గటా!

శా. ఘోరాకారమరుత్ప్రయుక్త భయసంక్షోభంబునన్ మేము ఘీం
    కారారావములాచరించునెడఁ గ్రేంకారారవంబొప్ప ఁగాం
    తారావాసమయూరవారములొగిన్ నాట్యంబుగావించెనౌ
    రౌరా! యొక్కరిఖేద మింకొకరి కత్యామోదమౌనేకదా?

శా. పైకిన్‌మైత్రినటించి మాపతనమున్‌వాంఛించులోలోన, మ
   మ్మాకాశమ్మునఁ జూచి యేచిపురులల్లాడించుమాత్రంబునన్
   గేకివ్రాతము మాకుఁ గూర్చునని సంకేతించి వాక్రుచ్చు నీ
   లోకం బింతటిగ్రుడ్డిదా యనుచునాలో నేనె చింతించెదన్.

శా. స్ఫారంబై బహుభీతభూతమయి ఝంఝూమారు తోద్ఘుష్టహుం
   కారంబెందు విరామ మొందకయె యోంకారాను కారంబుతో
   నీరేజప్రభవాండభాండమునఁ దానిండంగ, సాక్షాన్మహోం
   కారబ్రహ్మమయంబు లోకమను వాక్యంబప్పు డూహించితిన్.