ఉ. మాస్థితి కెంతయున్ వగచి, మమ్ముఁ గరంబుల నుద్ధరించి, యు
చ్చస్థితిఁ జేర్చె మిత్రుఁ డన సత్య మితండెయటంచు నమ్మితిన్
స్వస్థత గన్న మాఘనత సై ఁపఁగలేఁడని యెన్ననైతి ని
ట్లస్థిరు నాశ్ర యించు నెడ నౌ దురవస్థలవిట్టివే కదా ?
చ. మముఁ బయి కెత్తి దాన నగు మాదగు నున్నతి కోర్వలేక దు
ర్ర్భమ గొని మాయెడన్ దనప్రభల్ గనరా వని యీసుగాంచె; ను
త్తములు నిజా శ్రి తాళి మహితస్థితి కెంతయు సంతసింత్రు మ
ధ్యములు తటస్థు లౌదు రనయ మ్మధముల్ చలమూనువారిలన్.
ఉ. అద్దిర! లోకబాంధవుఁడ నంచును మింటికి నంటి మాకుఁ దాఁ
బెద్దఁట! పెంపుగూర్చునఁట! వింటి రెయీపరి వేషముల్ ఘనో
ద్యద్దశకే కదా తఱచు దాల్చుట? స్వార్థ పర ప్రసిద్ధులా
పెద్దలు? పెద్దలందె కనిపించును గ్రించుఁదనంబు లన్నియున్.
కంకణము వా యువశంబగుట
శా. ఆపై మా కుపకారివోలె బవనుం డం తంత నేతెంచి, మీ
కూపస్థాజ్ఞతవోవఁగా సకలదిక్కూటంబులం జూచి, ధీ
నై పుణ్యంబు గొనుండు రండనుచు నానాభంగులం ద్రిప్పె మ
మ్మాపూర్వాచల పశ్చిమాచల సమస్తాకాశభాగంబులన్.
ఉ. భూరిపురాకృత ప్రకటపుణ్య ఫలానుభవంబు నేటితోఁ
దీరెనొ ఖేచరత్వమును దీరునొ నా ఘనసారహారనీ
హారపటీరచారుధవళాకృతు లెల్లఁ దొలంగిపోయి దు
ర్వారవి కారగాడతిమిరచ్ఛవి మాకు ఘటిల్లె నంతటన్.
