మ. కలరూపంబు తొలంగి సూక్ష్మమగు నాకారంబుతో మింటికిన్
బలుమా ఱేగుదు నేగి సర్వభువనావాసవ్యథా ఖేదముల్
తలపోతున్ దలపోసి యంబరనటద్ధారాధరాకారని
శ్చలసంచారసుఖంబు శాశ్వతముగా సర్వేశుఁ బ్రార్థించెదన్.
కంకణము మేఘం బై సంచరించుట
మ. ఒకనాఁ డిట్లెపయోదమండలగతో ద్యోగ ప్రమోదంబునన్
స్వకులాంభ:కణరాశితోడుత నభోభాగంబునం గామరూ
పకలాకౌశల ముల్లసిల్ల బహురూపస్ఫూర్తులం దాల్చి, యా
డుకొనం జొచ్చితి మాప్రభాకరు ప్రభాటోపంబు మాటొందఁగన్.
శా. పారావారధరాధరోన్న తతరువ్రాతాపగా ఘోరకాం
తారాకారములా, సమస్తవనసత్వ ప్రస్ఫుటన్మూర్తులా;
నీ రేజోద్భవు సృష్టిరూపముల నన్నింటిందగన్ దాల్చి, రం
గారం జూపితి మప్పు డభ్రతలరంగన్నా ట్యరంగమ్మునన్.
సీ. మొత్తమ్ము లై పాఱు మత్తేభముల గూడఁ
బిల్ల యేన్గులు వెంటఁ బెట్టినట్లు
అత్యున్న తములౌ మహాపర్వతబుల
చుట్టు గుట్టలు కొన్ని పుట్టినట్లు
పేర్చి పెట్టిన దూదిపిండునుండి యనేక
తూలాంకురంబులు తూలినట్లు
సాంద్ర నీరంధ్ర వృక్ష చ్ఛటాచ్ఛాయలఁ
బలు గుజ్జుమ్రాఁకులు మొలచినట్లు
