ఈ పుట ఆమోదించబడ్డది
పత్రములు, కొన్ని జాతులలో తెల్లగను మరికొన్నిటిలో ఊదా రంగుగను ఉండును. పుష్ప కేసరములు పది యుండును. వీని నన్నిటిని నెమ్మదిగ త్రుంచివేయుము. పిమ్మట దానిలోపల 77-వ పటములోజూపిన ప్రకారముఒక సన్ననిదియు పొడుగునైన చిన్నకాయవంటి దుండును. ఇదియే అండాశయము. ఒక ఆకే ఇట్లు పరిణమించినదని గ్రహించుటకై యొక చిక్కుడాకును గైకొనుము. ఆయాకుయొక్క అంచులు పొడుగునను కలియునట్లుగా పటములో A1. లోజూపినట్లుగా మధ్య యీనెయొద్దకు మడువుము. అట్లుచేయునప్పుడు ఆకుయొక్క మధ్యయీనె యొక యోరగాను, ఆకుయొక్క చుట్టంచుకూర్పు ఒక యోరగాను, ఏర్పడును. ఇట్లు మడచిన ఆకుయొక్క అంచులు అంటుకొని పోవుటవలన నొకసంచి యేర్పడును.
