ఈ పుట ఆమోదించబడ్డది
ముక్కు రెండవభాగము. ఈముక్కులు పురుషసంబంధమైనబీజములు గలిగినవగుట చేత వీనికి పురుషాంగములు (Anthers) అను పేరు గలిగెను. ఒక్కొకపురుషాంగము సామాన్యముగా రెండు వృత్తములు (Lobes) గా విభజింపబడి యుండును. ఆవృత్తముల రెంటిమధ్యనుండు సరిహద్దు ఒక చారవలె పైకి తెలియుచుండును. ఈవృత్తములే సూక్ష్మబీజాశయములు. ప్రతి వృత్తమునందు పుప్పొడితిత్తులు (Pollen sacs) అను రెండు గుండ్రని తిత్తు లుండును. 74-వ పటము చూడుము. పుష్పము బాగుగ వికసించునప్పటి కీ పుప్పొడితిత్తులు సూక్ష్మబీజము (Microspores)లతో నిండియుండును. సామాన్యముగా పుష్పములపై నంటియుండు దుమ్మువంటి పుప్పొడి రేణువు లీ సూక్ష్మబీజములే.
కింజల్కములు ఆకులయొక్క పరిణామరూపములు.
లేతయాకులు ప్రథమమున వెడలునప్పుడు పొడుగైన గొట్టములవలె చుట్ట చుట్టుకొని వచ్చుచుండుట తరుచుగ చూచు చుందుము. అరటాకు మోపునుచూడుము. ప్రక్క పటములోని
