పుట:Jeevasastra Samgrahamu.pdf/188

వికీసోర్స్ నుండి
ఈ పుట ఆమోదించబడ్డది

(Growing Point) అనియు, అంత్యకణము (Terminal Cell) అనియు పేర్లు. ఇదియే కొమ్మయొక్క పెంపున కాధారమైనది.

అంత్యకణముయొక్క నిర్మాణము.

ఇది యెట్టిదో, వృక్షమంతయు దీనినుండి ఎట్లు నిర్మింపబడుచున్నదో తెలిసికొనుటకు కొనమొగ్గను నిలువున చీరి యాతునకలను సూక్ష్మదర్శనిలో పరీక్షింపవలయును. ఈ యంత్యకణము అంగుళములో 500-వ వంతు పరిమాణము గలదై అర్ధగోళా కారముగ నుండును. దీని కణకవచనము దళముగా నుండును. కణమంతయు దట్టమయిన అణువులుగల మూలపదార్థముతో నిండియుండును. ఇందు పెద్దదైన గుండ్రని జీవస్థానము చక్కగా తెలియుచుండును. అంత్యకణమందు అవకాశము లుండవు.

అంత్యకణఖండనము.

అంత్యకణము సజీవవృక్షమునందు ద్విఖండనవిధానముచే విరామము లేకుండ చీలుచుండును. మొదటి నిది అడ్డముగా రెండుగా చీలును (19-వ పటము 1-లో అ. క, ఉ. అ. క). అందు పైకణము

తిరిగి అంత్యకణ మగును (అ. క). క్రిందిది ఉపాంత్యకణము (ఉ. అ. క.) (Sub-apical Cell). ఈయుపాంత్యకణము తిరిగి అడ్డముగా ఖండింపబడును (19-లో 2-వ పటములో ఉ. అ. క. లో స్కం. శి;స్కం0. అందు మీదికణము తత్క్షణమే నిలువున అనేకకణములుగా చీలును (స్కం. శి). క్రిందిది చీలక నిలిచియుండును (స్కం).