ఈ పుట ఆమోదించబడ్డది
కవిత
తేటలయిన పుణ్యారణ్య ♦ వాటికలను
బుట్టితి నుషఃకుమారి తోఁ ♦ బుట్టుగాఁగ
అంద మెగఁబోయు లావణ్య ♦ మాహరించి
తపసివం బసియాడు జీ ♦ వనము త్రావి
పెరిగితిని నిత్యకోమల ♦ స్ఫురణలడర
ఇగురుటాకు నెలల పచ్చి ♦ యెండలందు
గ్రీష్మమాస వేణికలఁ దే ♦ ఱినజలాల
స్నానమాడి శీరోజ గు ♦ చ్ఛములు కడిగి
నింగి బాలెంతనడికట్టు ♦ కొంగులనఁగ
జాఱు నతసీపయోద ప్ర ♦ సన్న రేఖ
లందికొని లాగి చీరెగా ♦ నందగించి
క్షాళితవిశాల విశ్వరం ♦ గంబుసందు
నిండువెన్నెల తెలిచాంది ♦ నీలుగట్టి
మొలక పచ్చని మ్రుగ్గులు ♦ పుడమిఁదీర్చి
శారదోత్సన భోగమ్ము ♦ సలిపి దనిసి
