ఈ పుట అచ్చుదిద్దబడ్డది
64
జడకుచ్చులు
కాటుక రెప్పలు ఓభామా!
కబళింపనీవుంటివో భామా!
మీటిన కిన్నెర ఓభామా!
పాటనాపఁగలేదు ఓభామా!
ఏ బంగరుకల లోభామా!
నీవుంటివోయప్పుడోభామా!
కనురెప్పలైనను ఓభామా!
కదలలేదేయప్పు డోభామా!
బొటన వ్రేలయినను ఓ భామా !
చిటు కనలేదప్పు డోభామా!
ఆపరవశదశ లో భామా!
యదలింపరాదని యోభామా!
అడుగుకదలకుండ నోభామా!!
ఆవలవచ్చితి నోభామా
నీప్రేమయారాట మోభామా!!
నీకొప్పగించితి నోభామా!
సందెరంగులబూయు నోభామా!
యందపువాకిండ్ల నోభామా!
స్వరమధుధారలు ఓభామా!!
జల్లులాఱనిచోట నోభామా!
