ఈ పుట అచ్చుదిద్దబడ్డది
మధుమాలి
ఆ కసమ్మనఁ బూవులేయందగించె
వసుధకడుపునఁ బూవులే పవ్వళించె,
ఆలయమ్మునఁ బూవులే యాటలాడె,
ఏలపాడదు తుమ్మెద ఫూలపాట. 1
పవను కౌఁగిటఁ బూవులే సవదరించె
హృదయమందునఁ బూవులే రేకులెత్తె;
తోటలోపలఁ బూవులే తొలకరించె,
ఏలపాడదు తుమ్మెద పూలపాట. 2
ఎన్నియెన్నిభవంబుల నేమియేమి
పూజలను జేసి పట్టితీ పూలనోము !
చైత్రు సహవాససుఖము లేచాయ నబ్బె
తేట సేయుము తుమ్మెదా ! పాటఁ బాడి. 3
కష్టములను శారదచంద్రికలవిధాన,
దుఃఖములను తొల్కరివానతుసుక లట్టు,
లనుభవించిత,----చిత్త మాహ్లాదపులక
వివశమయి సేయు నృత్యమున్ విడువకుండ. 4
స్తన్యభరశీతలం బైన జననియొడిని,
పరిమళప్రగాఢమగు భామపాన్పునందు
38