ఈ పుట ఆమోదించబడ్డది
తమ్ముడా!
శ్రీలుపొంగిన ♦ జీవగడ్డయి.
పాలు బాఱిన ♦ భాగ్యసీమయి
వ్రాలినది యీ ♦ భరతవర్షము
భక్తి పాడర తమ్ముడా!
2 . వేద శాఖలు ♦ వెలసె నిచ్చట
ఆది కావ్యం ♦ బలరె నిచ్చట
బాదరాయణ ♦ పరమఋషులకు
పాదు సు మ్మిది తమ్ముడా!
3. విపిన బంధుర ♦ వృక్ష వాటిక
ఉపనిమషన్మధు ♦ వొలికె నిచ్చట
విపుల తత్వము ♦ విస్తరించిన
విశ్వమణి యిదే తమ్ముడా!
4. సూత్రయుగముల ♦ శుద్ధవాసన
క్షాత్రయుగముల ♦ చండ శౌర్యము
చిత్ర దాస్యము♦ చే చరిత్రల
చెఱిగిపోయెర తమ్ముడా!
5. మేలికిన్నెర ♦మేళవించీ
రాలు గరుగగ ♦ రాగమెత్తీ
పాల తీయని ♦ బాల భారత
పదము బాడర తమ్ముడా!
