ఈ పుట అచ్చుదిద్దబడ్డది
260
ఇంద్రాణీ సప్తశతీ
శ. 7.
14. గృహయుగళీ శ్రియ ఆశ్రితగమ్యా
పదకమల ద్వితయీ బహురమ్యా |
సుమహృది భా త్వవికుంఠితయానా
హరి సుదృశస్తరుణారుణ భానా ||
15. ఉపరి తతా కులకుండ నిశాంతా
జ్వలిత ధనంజయ దీధితి కాంతా |
హరిహయ శక్తిరియం మమ పుష్టా
ద్రవయతు మస్తకచంద్ర మదుష్టా ||
16. నభసి విరాజతి యా పరశక్తి
ర్మమ హృది రాజతి యా వరశక్తిః |
ఉభయ మిదం మిళితం బహువీర్యం
భవతు సుఖం మమసాధితకార్యం ||
17. త్రిభువనభూమిపతేః ప్రియయోషా
త్రిమలహరీ సురవిష్టప భూషా |
మమ వితనోతు మనోరథపోషం
దురిత విపత్తి తతేరపి శోషం ||
18. పవన జగత్ప్రభు మోహనమూర్తి
ర్జలధర చాలన విశ్రుతకీర్తిః |
మమ కుశలాయ భవ త్వరిభీమా
జననవతాం జననీ బహుధామా ||