పుట:Gurujadalu.pdf/65

వికీసోర్స్ నుండి
ఈ పుట అచ్చుదిద్దబడ్డది



ఊటి చోద్య మేమి చెపుదు

రాగము, పంతువరాళి - తాళము, రూపకము

                          పల్లవి
ఊటి చోద్యమేమి చెపుదు - నువిద వింటివే!
                      అను పల్లవి
సాటియేది యూటి కెందు-
స్వర్గమైన దీని క్రిందు.
                      చరణములు
1. వాటమైన తటములందు -దోటలెంతొ సొంపు మీరఁ|
   గూటములను సౌధరాజి - కుదిరి మెరయఁగా|
   మాటు మణగి శివుని జటా - జూటమునను గంగపగిది|
   కోటి హ్రదములందు జలము - కొమరి యమరి యుండును||

2. పండు వెన్నెలచటి పవలు - పావకుండు రాత్రులందు|
   దండ నుండి యింట నింట - దయను బ్రోవఁగ|
   నెండ దాడి కోడి సీతు - కొండ వట్టెనేమొ యనఁగ|
   నిండు కొలువు హేమంత - ముండి యిచట వెలసెను||

3. వెన్నునిసిగ నమరియున్న - వేల్పు తరువు విరుల మాట్కి|
    సన్న సన్న వెండి మబ్బు - చఱియ లంటగా|
    మిన్ను బూయ సంజకాఁడు - మేళవించు రంగు లనగ|
    వన్నె వన్నె పూలగములు - వనముఁ గ్రమ్మి మెరయును||

4. వెండి కొండ దొరను బూజ - వేట్కమీరఁ జేయు నప్పల|
    కొండయాంబాధిరాజ్ఞి - కొలువు మహిమను|
    దండి నీల నగము కనుల - పండువగను జూడగలిగె|
    రండు చెలియలార నేడు - పండెను మన సుకృతమెల్ల||

గురుజాడలు

20

కవితలు