సాహె : అరే బహుత్ బడా సైతాన్ హై. ఇహాసె చెల్జానా (వీధి తలుపు తియ్యబోగా రాదు.. తలుపు బలత్కారంగా తీసి వెళ్లిపోవును. )
(తెరదించవలెను)
కొండుభొట్టీయము
తృతీయాంకము
పంచమ రంగము
(అక్కాబత్తుడి యింటి అరుగు : వెంకన్న, కొండుభొట్లు అక్కాబత్తుడు ప్రవేశించును)
కొండు : సాయిబు పంతుల్ని చావగొట్టేడు.
అక్కా : యెక్కడ?
కొండు : మంజువాణి యింట్లో
అక్కా : మీరెందుకున్నారక్కడ?
కొండు : పంతులుగారి యింట్లో ఆడవాళ్ళకు పురాణం చెప్పి వస్తూండగా మంజువాణి ఇంట్లో గడబిడ అవుతు వుంటే తొంగి చూశాను.
అక్కా : అయితే యేం చయ్యమంటారు? కనిష్టీబుల్ని పిల్చుకు వెళ్ళదాం.
కొండు : వొద్దు బాబు! లేనిపోని అల్లరి చెయ్యకండి! తమరు దయచేస్తే చాలును.
అక్కా : తురకాడు నాకు దేహశుద్ధి చేస్తే?
కొండు : వెళ్ళిపోయినాడు.
అక్కా : కొండుభొట్లుగారు! లాంతరు తెండి. నేను చేతికఱ్ఱ పట్టుకు వస్తాను.
(ముగ్గురు నిష్క్రమింతురు)
కొండుభొట్టీయము
తృతీయాంకము
షష్టమ రంగము
(పంతులు మంచమును జారబడి జాపోయుచుండును. అక్కాబత్తుడు చేతికఱ్ఱయు - వేంకన్న లాంతరును పట్టుకొని కొండిబొట్లు ప్రవేశించును)
గురుజాడలు
516
కొండుభొట్టీయము
