ట్ గిరీశం: మైడియర్ షేక్స్పియర్! నీ తండ్రి అగ్గి రావుఁడోయి. మీ యింట్లో యవళ్ళకీ అతణ్ణి లొంగదీశే యలోక్వెన్సు లేదు. నా దెబ్బ చూడు. యీవాళ్లేం జేస్తానో. వీరేశలింగం పంతులుగారు కన్యాశుల్కం విషయవైఁ రాసిన ఉపన్యాసం పైకి తీయ్. మావఁగారికి లెక్చరివ్వడాని కృత్తీ కఠారీ నూరాలి. వెంకటేశం : మీ లెక్చరు మాట అలా • వుమ్లండి గాని యీవాళ నా గండం గడిచింది గదా అని సంతోషిస్తున్నాను. మీబ్లాకపోతే పరిక్ష ఫేలయినందుకు మా నాన్న పెయ్యకట్టు తాడుతో చమాలెక్కగొట్టును. గిరీశం: యిలాంటి ప్రమాదాలప్పించుకోవడవేఁ ప్రజ్ఞ. యేవైఁనా డిఫికల్టీ వొచ్చినప్పుడు ఒక తస్సా వేశావఁంటే అది బ్రహ్మభేద్యంగా వుండాలి. పోలిటిషనంటే మరేవిఁటను కున్నావ్? పూజా నమస్కారాల్లేక బూజెక్కున్నాను గాని మన కంట్రీయే ఇండితె యితే గ్లాడ్సన్ లాగ దివాన్షిరీ చలాయిస్తును. యేమివాయ్! మీ తండ్రి వైఖరి చూస్తే పుస్తకాలకి సొమ్మిచ్చేటట్టు కనబడదు. చుట్టలు పట్టం నించి అరకట్టే తెచ్చాంగదా, యేమి సాధనం? వెంక : నాన్నివ్వకపోతే అమ్మనడిగి డబ్బు తెస్తాను. గిరీశం: నీ బుద్ధియలా వికసిస్తూందో చూశావా? యిలా తర్ఫీదవుతుంటే నువ్వు కూడా పెద్ద పోలిటిషనువవుతావు. (బుచ్చమ్మ ప్రవేశించును) బుచ్చమ్మ : తమ్ముడూ అమ్మ కాళ్ళు కడుక్కోమంచూందిరా. గిరీశం : (తనలో) హౌ బ్యూటిఫుల్! క్వైటనెక్ స్పెక్టెడ్! బుచ్చమ్మ : అయ్యా మీరు చల్దివణ్ణం తించారా? గిరీశం : నాటి స్టెటెస్టబ్జక్షన్, అనగా యంతమాత్రం అభ్యంతర లేదు. వడ్డించండిదుగో వస్తున్నాను. తోవలో యేటి దగ్గర సంధ్యావందనం అదీ చేసుకున్నాను. (బుచ్చమ్మ వెళ్లును) గిరీశం: వాట్, యీమె నీ సిస్టరా? తలచెడ్డట్టు కనబడుతున్నదే? వెంక : మా అక్కే జుత్తుకి చవుహౌసుకోదు. గిరీశం: తలచెడ్డం అంటే, విడో అన్నమాట. చవుఁరు గివుఁరూ జాంతే నయ్, గాని యిన్నాళ్లాయి నీకు విడో మారేజి విషయవైఁ లెక్చర్లిస్తూ వుంటే యీ కథ యెప్పుడూ చెప్పావు కావు? మీ యింట్లోనే ఓ అన్ఫార్చునేట్ బ్యూటిఫుల్ యంగ్ విడో వుందటోయ్! యేమి దురవస్థ! మై హార్ట్ మెల్ట్స్. నేనే తండ్రినైతే యీ పిల్లకి విడో మారియెట్టేసి శాశ్వితవైఁ న కీర్తి సంపాదిస్తును. (తనలో) యేమి చక్కదనం, యీ సొంపు యక్కడా చూళ్లేదే! కన్యాశుల్కము - మలికూర్పు గురుజాడలు 238
