పుట:Gurujadalu.pdf/145

వికీసోర్స్ నుండి
ఈ పుట అచ్చుదిద్దబడ్డది

క. “మన భద్రయు నీ తపసిని
    బనిగొని సద్భక్తి భోజ్య భక్ష్యంబులచేఁ
    దనిపెడుఁగా కద్దానను
    గనకున్నే రాజరాజుఁ గాంతునిఁగాఁగన్”.

క. గారాబ మొల్కు కన్నుల
    నా రాముఁడు భద్రఁగాంచి నరుని కనియె “నీ
    నారీమణి రైవతకము
    నారాధించిన ఫలంబియౌ - నినుఁగాంచెన్”.

క. “నీ దాసిగ గొని చెలియల
    నేదానను లోపమున్న నెఱుఁగఁ దెలుపుచున్
    మోదానఁ గొనుఁడు పూజలఁ
    గాదనకుఁడు ముద్దు గడపి కారుణ్యముతోన్”.

క. “కత్తిమొన బ్రతుకు జోదుల
    పొత్తు గదా బ్రహ్మ వ్రాసెఁ బొలఁతులకు మా
    యుత్తమ రాజ కులంబుల
    నెత్తమ్మికి నిశితకరుని నెయ్యమువోలెన్”.

క. “బాణాసన తూణ తను
    త్రాణము శైశవము నుండి తాల్చుచు నొక వి
    న్నాణంపు జోదు తానై
    ప్రాణంబుల సరకు గొనదు భద్ర మగటిమిన్”.

క. “పుట్టింట నుండు కాలం
    బెట్టెట్టుగ నున్నఁ జెల్లు నింతికి మఱి తా
    మెట్టిన యింటను మెలఁగెడు
    గుట్టు తెలియకున్న నెట్ల కూరు సుఖంబుల్”.

గురజాడలు

100

కవితలు