ఈ పుట అచ్చుదిద్దబడ్డది
కన్యక
తగటు బంగరు చీరె కట్టి
కురుల పువ్వుల సరులు జుట్టి
నుదట కుంకుమ బొట్టు పెట్టి
సొంపు పెంపారన్
తొగల కాంతులు కనులు పరపగ
మించు తళుకులు నగలు నెరపగ
నడక లంచకు నడలు కరపగ
కన్నె పరతెంచెన్
రాజవీధిని.
పసిడి కడవల పాలు పెరుగులు
పల్లెరమ్ముల పళ్లు పువ్వులు
మోము లందున మొలక నవ్వులు
చెలగ చెలికత్తెల్
వెంట నడిచిరి.
అంత పట్టపు రాజు యెదురై
కన్నె సొగసుకు కన్ను చెదురై
మరుని వాడికి గుండె బెదురై
యిట్లు తలపోసెన్
గురుజాడలు
69
కవితలు