౨ నిర్మాణము.
బౌలభటులందరును చిన్న చిన్న "జట్టు” లుగ నేర్పడుదురు. ప్రతి జట్టు”నకును “జట్టు పెద్ద” ఉండును. “జట్టు పెద్ద ” క్రింద ఏడుగురుభటులకు తక్కువగాకుండ నుందురు. ఇట్టి “జట్టులు" మూడింటికి దక్కువగాకుండ నేర్పడిన, ఒక“పటాలము ”అగును. ఇట్టి "పటాలము” ఒక "సేనాపతి" యొక్క పరిపాలనము క్రింద ఉండును; “సేనాపతి” కి ఒకరుగాని ఇద్దరుగాని “సహాయ సేనాపతు" లు౦దురు. ఇట్టి "సేనాపతు” లందరి మీదను ఒక్కొక్క జిల్లాకు ఒకొక్క “సేనానాయకు” డుండును. ఈపద్ధతి య౦దు చిన్నయుద్యోగి "జట్టు పెద్ద” యును పెద్దయుద్యోగి "సేనానాయకుడు"ను అయి యున్నాడు. ప్రతిపటాలమందలి ఉద్యోగుల౦దరును జేరి "ఆలోచన సభ" గ నేర్పడుదురు. ఈఆలోచన సభయందు "జట్టు పెద్ద ” గూడ సభ్యుడు గా నుండును. తద్వారా పెద్దవాడైన మిమ్మట వహింపవలసిన జవాబుదారులయందు జరపవలసిన ధర్మములయందును అద్భుతమైన తబీతును పొందిన వాడగును.
3 తరిబీతు పద్ధతి
జట్టుపెద్దలు ఆదిగాగల భటులందరును, ఈక్రింది పరీక్షలయందు జయమునుగాంచవలెను.
- (క) ప్రధమశిక్ష. అది ఈ క్రిందివిధముగ నుండును:-
- 1. భటుని రహస్యపు గుర్తుల నెరుగుట, నమస్కరింప నేర్చుకొనియుండుట. ఇందువలన ఒకే సోదరబృందమునకు చేరిన భటులందురును ఒకరికొకరు గుర్తింప గలిగియుందురు; ఇంతేగాక భటునికి ఉపయుక్తమగు విషయములనేకములను దెలిసికొనుటకు తగిన శక్తి నిచ్చును.
- 2. అనుభవమువలన ఈ క్రింది ముళ్ళను వేయగలిగియుండుట: - దర్భముడి, నడితడపముడి, పల్లెముడి (తడితాడు ముడి), ఏనుగ మెలికి, పొడుగుది పొట్టిది చేయుముడి, బ్రహ్మముడి. భటుడు నేర్పుగలవాడై యుండుటకు ఇది మొదటి తరిబీతు.
- 3 భటుని నియమముల (ధర్మముల) ను తెలిసికొని అర్ధము చేసికొనుట. భటుని నియమములు (ధర్మములు) ఇవి:౼
- ౧ బాలభటుడు విశ్వాసపాత్రుడు.
- ౨ బాలభటుడు రాజభక్తిని, దేశభక్తిని, మాతాపితలయంగుభక్తిని, తన అధికారుల యెడల భక్తిని. తాను సేవ జేయువారియెడల భక్తిని, తనకు లోబడి యుండువారియెడల భక్తిని కలిగి యుండును.
- ౩ బాలభటుడు ఎల్లప్పుడును జనోపకారి.
- ౪ ఏ జాతి మతము వారయినను అందరికిని బాలభటుడు స్నేహితుడు; బాలభటవర్గ మాతని సోదరులు.
- ౫ బాలభటుడు ఎల్లప్పుడును వినయశీలుడు.
- ౬. బాలభటుడు భూతదయగలవాడు.
- ౭ బాలభటుడు తల్లిదండ్రులయొక్కయు, బాలభటోద్యోగుల యొక్కయు ఆజ్ఞలను నిర్వివాదముగ శిరసావహించును.
- ౮ బాలుభటుడు ఎట్టికష్టములందును సంతోషమును విడువడు.
- ౯ బాలభటుడు మితవ్యయి.
- ౧౦ బాలభటుడు త్రికరణ (మనస్సు, వాక్కు, కాయము) శుద్ధిగలవాడు. ఆత్మశుద్ధి కలవాడు. కావున ధీరుడు.
ఈ నియమములు ఆజ్ఞలెన్నటికి గావు. అవి ఎవరికివారుదీసికొను ప్రతిజ్ఞలై యున్నవి. ఈ ప్రతిజ్ఞలను నిర్వహించుటకు దప్పినవాడు
