| | "బ్రాహ్మణేభ్యో దదౌ పుత్రో రాజ్ఞస్త స్యార్ధ్వదైహికమ్, | |
(అయో. 77. 4.)
షష్ఠిరోజున దేశీయాచారసిద్ధ మగుదహనదేశశోధనము. సప్తమినాఁడు మార్గశోధనకొఱకుఁ గూలివాండ్రను బంపుట.
| | "త్రయోదశో౽యం దివసః పితుర్వృత్తప్యతే విభో! | |
(అయో. 77. 22.)
సప్తమి మొదలుకొని దశమివఱకు త్రోవ బాగుచేయించుట. ఏకాదశినాఁడు భరతుఁడు రామునియొద్దకు బయలుదేరుట. ఆనాఁటిరాత్రి గంగాతీరమందు నివాసము. ద్వాదశినాఁడు భరద్వాజాశ్రమప్రాప్తి. త్రయోదశినాఁడు భరతుఁడు రామునితోఁ గలిసికొనుట. చతుర్దశి, పౌర్ణమాసి, పాడ్యమి, మూఁడురోజులు భరతుఁడు చిత్రకూటమం దుండెను. వైశాఖబహుళద్వితీయ భరతుఁడు తిరుగ నయోధ్యకు బయలుదేరెను. చవితినాఁ డయోధ్యలోఁ బ్రవేశించెను. ఈరీతిగా నొకనెలమీఁదఁ బదునైదురోజులు కాఁగా వైశాఖబహుళపంచమినాఁడు రాముఁడు చిత్రకూటమునుండి వెడలి యత్రిమున్యాశ్రమముఁ బ్రవేశించెను. ఈరీతిగా
| | "క్వచి త్పంచ దశా న్మాసా నేకం సంవత్సరం క్వచిత్, | |
(అర. 11.)
రాముఁడు మఱి మూఁడుసంవత్సరములు పంచవటియందుఁ గడపెను. తరువాతఁ బదునాలవసంవత్సరపుఁ జైత్రమాసమున సీతాపహరణము. వైశాఖమాసములో సుగ్రీవునిఁ జూచెను. ఆషాఢమాసములో వాలివధము. ఆశ్వయుజమాసమందు సైన్యోద్యోగము. ఫాల్గునమందు వానరులు బ్రాయోపవిష్టు లగుట. ఫాల్గుణశుద్ధచతుర్దశినాఁడు లంకాదహనము. ఫాల్గుణబహుళఅమావాస్యనాఁడు రావణవధ. చైత్రశుద్ధపాడ్యమినాఁడు రావణునికి విభీషణుఁడు దహనాదినంస్కారములు సేయుట. ద్వితీయయందు విభీషణపట్టాభిషేకము, సీతాప్రాప్తి. తృతీయరోజున లంకనుండి రాముఁడు బయలుదేఱుట. చవితినాఁడు కిష్కింధాప్రాప్తి. పంచమినాఁడు భరద్వాజాశ్రమప్రాప్తి.
| | “పూర్ణే చతుర్దశే వర్షే పంచమ్యాం లక్ష్మణాగ్రజః, | |
(యుద్ధ. 127. 1.)
షష్ఠినాఁడు నందిగ్రామప్రాప్తి. జటావిశోధనము. అయోధ్యాప్రాప్తి. సప్తమినాఁడు శ్రీరామపట్టాభిషేకము.
(గోవింద. వ్యా.)
