పుట:Gopinatha-Ramayanamu1.pdf/127

వికీసోర్స్ నుండి
ఈ పుట అచ్చుదిద్దబడ్డది

శ్రీః

బాలకాండము

కథాప్రారంభము

నారదమహర్షి వాల్మీకికడ కేతెంచుట

వ.

శ్రీకృష్ణదేవునకు సమర్పితంబుగా నాయొనర్పం బూనిన శ్రీ మద్రామాయణం
బునకుఁ గథాప్రారంభం బెట్టి దనిన శతకోటిప్రవిస్తరంబై బ్రహ్మలోకంబునందు
సుప్రసిద్ధం బైనరామచరితంబు భూలోకవర్తులయిన నాలుగువర్ణంబులవారికిఁ
దాపత్రయవిమోచనంబుకొఱకు సంక్షేపించి రచియింప నుద్యుక్తుండై పరమ
కారుణికుం డైనపరమేష్ఠి వాల్మీకిరూపంబున విశ్వంభరయం దవతరించె నట్టి
బ్రహ్మాంశసంభూతుం డైన వాల్మీకి తనచేతఁ జికీర్షితం బైన రామచరితంబు గురు
ముఖంబువలన వినం గోరి భగవత్కథోపదేశంబునందు సర్వగురుండైన నార
దుం బ్రతీక్షించుచుండ నొక్కనాఁడు భగవంతుండైన యన్నారదుండు బ్రహ్మ
నియోగంబున వాల్మీకికడకుం జనుదెంచిన నత్తపస్వివర్యుండు తపస్స్వాధ్యాయ
నిరతుండును వాగ్విశారదుండును దేవమునిశ్రేష్ఠుండు నైననారదు నవలోకించి
పూజించి మునీంద్రా యిప్పు డీలోకంబున దృష్టగుణవ్యతిరిక్తప్రశస్తగుణ
వంతుండును దా నక్షతుం డగుచుఁ బరులజయించు వీర్యవంతుండును సామా
న్యవిశేషరూపధర్మజ్ఞుండును దనకొఱకుఁ గావింపం బడిన యువకారం బల్పం
బైనను బహుత్వంబున నెఱుంగునట్టి కృతజ్ఞుండును సర్వావస్థలయందును సత్య
వచనశీలుండును ఫలపర్యంతంబు సమారబ్ధంబైన వ్రతంబు విడువనట్టి స్వ
భావంబు గల దృఢవ్రతుండును వంశక్రమాగతాచారయుక్తుండును నపరా
ధంబు గావించినవారియందైనను హితంబుఁ జేయునట్టి శీలంబు గలవాఁడును
విదితసకలవేద్యపదార్థుండును నన్యులకు నిర్వహింపంగూడనికార్యంబు నిర్వ
హించుటకు సమర్థుండును నద్వితీయప్రియదర్శనుండును నసమానసర్వాంగ
సుందరుండును నాత్మవంతుండును విధేయకోపుండును జితారిషడ్వర్గుండును
ద్యుతిమంతుండును నసూయారహితుండును నగుపురుషుం డెవ్వఁడు సంయుగం
బునందు జాతరోషుం డగునప్పు డెవ్వానికి సురాసురాదులు దలంకుదు రట్టి
వాని వినం గుతూహలం బగుచున్న దట్టి పురుషశ్రేష్ఠు నెఱుంగ నీవె సమర్థుం
డవు కృపామతి నెఱింగింపు మని యభ్యర్థించినఁ ద్రిలోకగోచరజ్ఞానుం డయిన
నారదుం డవ్వాల్మీకిప్రశ్నజాతంబు విని యమ్మునిశ్రేష్ఠు నేకాగ్రసిద్ధికొఱకు నభి