ఈ పుటను అచ్చుదిద్దలేదు
66
గోపదంపతులు.
గంగ-- భోజనసమయమునకు వత్తురు. భోజనము పదిగంటలకు.
రామ-- అలాగునా? గడచినరాత్రి మీప్రదర్శనము మిగుల మనోహరముగా నున్నది. దానిని గొనియాడుటకు నాభాషచాలదు.
గంగ--మీకందఱకు మాయం దవ్యాజకరుణ యుండుటచే శ్లాఘించుచుంటిరి. కాని మేముచేయు పను లంతవింతలుగావు.
రామ--మాయవ్యాజకరుణగాదు. మీయవ్యాజ కరుణయే మీమీద బ్రసరించుటచేత మేము కడుధన్యులమైతిమి. సర్కసుకంపెనీలలో స్త్రీలుచేయు వింతపనులెన్నొ కాంచితిమి కాని మీరుచేయు నిన్నాణపు జేష్ట లెచ్చటను జూచియుండలేదు. అందుచేత సర్వదా మీ సుందరవిగ్రహమే మాకన్నుల గట్టినట్టులుండును.
గంగ--తమసదభిప్రాయమున కెంతయు గృతజ్ఞరాలను.
రామ--కృతజ్ఞత మాటలతో జూపరాదు.
గంగ-- మఱి దేనితో జూపగలము! మీరు కోటీశ్వరులుగావున బదకములిత్తురు. మేమేమీయ గలము?
రామ--మీరు తలచుకొన్నగోటిపదముల విలువ గలుగు మీమనసే యీయవచ్చును.
