ఈ పుట ఆమోదించబడ్డది
పాడవే కోకిలా
పాడవే యింపుగా
ప్రాణముల్ హాయిచే
పరవశ మ్మొందగా
పాట పాడవె తీయగా,
కోకిలా!
పాట పాడవె తీయగా?
చందమామ
తెల్లమబ్బు గుఱ్ఱము నెక్కి తేజరిల్లి
స్వారిజేయుచు బోవు నో చందమామ!
యేల నీ కంతగర్వము? ఎల్లకాల
మొక్కతీరుగ సంపద లుండునోయి?
పండువెన్నెల జగమెల్ల బర్వజేసి
అందరిమనంబుల\న్ గొని హాయి ముంచి,
ఎల్లలోకాలకును రాజు నేనె యంచు
కుల్కుచుందువుగా వెఱ్ఱిగొల్లవోలె