పుట:Geethamulu, basavaraju apparao (1934).pdf/32

వికీసోర్స్ నుండి
Jump to navigation Jump to search
ఈ పుట ఆమోదించబడ్డది


భూదేవి

      మ్మా వో భూ దేవీ!
      నమ్మితిమమ్మా నిన్నే! అమ్మా వో భూదేవీ!

             నీరుపేరు చెపితె గుండె
             నీరయిపోయే నమ్మా,
             నిప్పుపేరు చెపితె ప్రాణి
             గుప్పు నెగిరి పోనమ్మా! ||అమ్మా||

      గాలిపేరు చెపితె మాకు
      కాలుసేతు లాడవమ్మ,
      ఆకాశమ్మంటే మా
      కసలే భయ మౌనమ్మా! ||అమ్మా||

             కొండకోనలయినగాని
             ఘోరారణ్యాలుగాని
             మేడలైనగాని చెట్ల
             నీడలే నెడారిగాని, ||అమ్మా||

      తల్లిపక్కలోన చిన్ని
      పిల్లలు బజ్జున్నలాగు
      నిన్ను నమ్మి నిబ్బరముగ
      నిద్దరబోయేమమ్మా!

             అమ్మావో భూదేవీ!
             నమ్మితిమమ్మా నిన్నే!