పుట:Geethamulu, basavaraju apparao (1934).pdf/209

వికీసోర్స్ నుండి
ఈ పుట అచ్చుదిద్దబడ్డది

                నూతనభారతజాతికి భువిలో
                       ఖ్యాతీ జయమూ కలగాలంటూ ||ప||
                వీర కేసరుల యెఱ్ఱనిరంగూ
                       దేశసేవకుల తెల్లనిరంగూ
                భక్తులపాలిటి పచ్చనిరంగూ
                       బీదలపెన్నిధి రాటపుమెఱపే ||ప||
                అన్ని మతాలకు అన్ని తెగలకూ
                       ఆశ్రయ మీజండా ఒకటేనోయ్
                ప్రాణము పోతే పోనీ జండా
                       మానముమాత్రము మంటగలపక ||ప||


రాట్నము

                సిగ్గు లేదా నీకు శిరము లేదా
                అన్నమైనా లేక బీద లల్లాడుతుంటేను
                సీతాకోక చిలుకలాగ సీమగుడ్డ కట్టితిరుగ ||సి||

                పూటకూడులేని ప్రజకు రాట్న మొకటే పెన్నిధుండ
                మోటంచు పవిత్రమైన రాటంఖద్దరు వెక్కిరింప ||సి||