ఈ పుట అచ్చుదిద్దబడ్డది
వెన్నెల గొఱ్ఱెలమందల గూర్చీ,
బిడ్డలతల్లుల రొమ్మున జేర్చీ,
లోకమున నెల్ల మృదువుం బ్రియమౌ
నాకన్నెయెదకు నన్నుం దార్చు.
-----
ప్రియ నిరీక్షణము
(శాఫోగీతము)
గున్నమావి కొమ్మలందు గువ్వలు
గుసగుసలాడుచు నుండెన్
వాడినయాకులు నిదుర జరించెడి
వాడల నాడుచునుండెన్
ఇవ్వని మాడ్చెడు మధ్యాహ్న మెల్ల
నిట్లె కాచుకొనియుంటిన్
సంజను గబగబ వచ్చు నీ యడుగు
చప్పుడు వినబడనా యంచున్.
