ఈ పుట అచ్చుదిద్దబడ్డది
పాపాయిలీలలు
(నాగేశ్వరీరాగము - జంపెతాళము - ఖండిజాతి)
దినదినము పాపణ్ణి దీవించి పొండీ
దేవలోకములోని దేవతల్లారా !
నాపాప నిద్ధట్లొ నవ్వుకుంటాడు
ఆస్సెకాలాడేవొ అప్సరలతోను? దిన||
మాతండ్రి నిద్దట్లొ మాటాడుతాడు
తెలియజెప్పేనేమె దేవరాశ్శాలు? దిన||
కన్నయ్య నిద్దట్లొ కన్నుగిలికేను
వెఱ్ఱిలోకము జూచి వెక్కిరించేనొ? దిన||
వాగీశ్వరీ ప్రేమరాగ మాలించి
చిన్నయ్య బభ్భోరశ్రీరామరక్ష! దిన||
----
ఉపశాంతి
వేదాద్రి శిఖరాన వెలిగేటిజోతి
నాపూవిగుడిసెలో దీపమై వున్నె!
