పుట:Geethamulu, basavaraju apparao (1934).pdf/149

వికీసోర్స్ నుండి
Jump to navigation Jump to search
ఈ పుట ఆమోదించబడ్డది


చలి పిడుగు

               ప్రళయాంతాభీలనభో
               దళన ఫెళ ఫెళారవముల
               జలిపిడుగా ! గర్జింపకు
               నిలిచి నాదు మనవి వినుము

               బంగారపుబొమ్మ నాదు
               మంగళప్రదమ్మ యొంటి
               రుద్రభూమి గటిక నేల
               నిద్ర్ంచెడు నొడలు మరచి.

               చూపబోకు మచట నీప్ర
               తాప మెల్ల పిడుగా ? నా
               కన్న తల్లి యడిలి లేచి
               కక్కటిల్లి యేడ్వగలదు !

               కడుపుమంట గనలి పొక్కు
               కన్న తండ్రి నైననాదు
               పలువరింతమాటలకును
               నలుక బూన కయ్య మదిని !